«Կորեայի ձորում թափվող շինաղբի խնդիրը մեր ուշադրության կենտրոնում է». Լևոն Հովհաննիսյան
Երևանի քաղաքապետի առաջին տեղակալ Լևոն Հովհաննիսյանը լրագրողների հետ զրույցում անդրադարձել է Կորեայի ձորում շինարարական աղբ թափելու խնդրին։ Ըստ նրա՝ այդ խնդիրն իրենց ուշադրության կենտրոնում է։
«Արաբկիրի ղեկավարը պարբերաբար այնտեղ լինում է, տեղանքն ուսումնասիրում են, պարբերաբար, ցավոք սրտի, հայտնաբերվում են նոր իրավախախտ տնտեսվարողներ, որոնք մեր այսքան հորդորներից ու տուգանքներից հետո էլի որոշում են շինաղբ թափել: Մենք հայտնաբերում ենք, տուգանում, իրենց հետ նորից պրոֆիլակտիկ աշխատանքներ վարում: Միգուցե խստացման կամ տուգանքների ավելացման կարիք կա»,- նշել է փոխքաղաքապետը:
