Վարչապետի կողմից առկա է ուղղակի ազդեցություն դատարանի վրա․ Գայանե Հակոբյանի փաստաբան
Դատարանի որոշումը այնքան էլ անակնկալ չէր, առավոտից խաղ էր գնում՝ Վերաքնիչի որոշումից սկսած և, պարզ ասած, Գայանե Հակոբյանին կալանավորելու այս որոշումը կայացվել է շատ ավելի վերևում, քան դատարանն է։ Այս մասին դատական նիստից հետո Երևանի առաջին ատյանի ընդհանուր իրավասության քրեական դատարանի մոտ լրագրողների հետ զրույցում ասել է զոհված զինծառայողի մայր Գայանե Հակոբյանի փաստաբան Գեորգի Մելիքյանը։
Հակոբյանը մեղադրվում է ՀՀ վարչապետ Նիկոլ Փաշինյանի որդու՝ Աշոտ Փաշինյանի ենթադրյալ առևանգման համար։ Գայանե Հակոբյանի խափանման միջոց տնային կաալնքը կրկին փոխվեց 1,5 ամսով կալանավայրում։
«Մեր բարձրացրած իրավական խնդիրն այն էր, որ վարչապետի կողմից առկա է ուղղակի ազդեցություն դատարանի վրա։ Եվ սա ապացուցվեց նաև այս դատաքննության ընթացքում»,- նշել է Հակոբյանի ներկայացուցիչ Գերոգի Մելիքյանը։
Մելիքյանը հիշեցրել է նաև Փաշինյանի այն հայտարարությունը, թե «ՀՀ-ում դատավոր չկա, որ վարչապետի ասածը չանի»։
Հիշեցնենք՝ այսօր՝ մայիսի 5-ին դատարանը 1 ամիս 15 ժամկետով կալանավորեց 44-օրյա պատերազմում զոհված Ժորա Մարտիրոսյանի մորը՝ Գայանե Հակոբյանին, Աշոտ Փաշինյանի ենթադրյալ առևանգման գործով։
