Թուրքիան ՆԱՏՕ-ի խնդրանքով հատուկ ջոկատայինների գումարտակ կուղարկի Կոսովո
Թուրքիան ՆԱՏՕ-ի խնդրանքով հունիսի 4-5-ը Կոսովո կուղարկի հատուկ նշանակության ուժերի գումարտակ։
Այս մասին հայտարարել է Թուրքիայի ազգային պաշտպանության նախարարությունը․
«Կոսովոյի իրադարձություններից հետո, ՆԱՏՕ-ի ուժերի հրամանատարության խնդրանքով, 65-րդ մեխանիզացված հետևակային բրիգադի գումարտակը տեղակայվեց որպես պահեստային ստորաբաժանում, որը նախկինում հատկացվել էր ՆԱՏՕ-ի ուժերին Կոսովոյի համար»,-ասված է հաղորդագրության մեջ։
Ավելի վաղ Սերբիայի նախագահ Ալեքսանդր Վուչիչը հայտարարել էր, որ մայիսի 29-ին Կոսովոյի եւ Մետոխիայի հյուսիսում ցուցարարների հետ բախումները սկսել են ոչ թե ՆԱՏՕ-ի խաղաղապահ զորախմբի զինվորականները, այլ Կոսովոյի ինքնահռչակ հանրապետության ոստիկանները:
