Լեհաստանում թալանել են Ուկրաինայի համար նախատեսված զինամթերքով գնացքը

Լեհաստանում՝ թալանել են Ուկրաինայի համար նախատեսված զինամթերքով գնացքը: Ինչպես գրում է Gazeta Wyborcza-ն, գողերը սխալմամբ են գողացել Ուկրաինա մեկնող գնացքի զինամթերքը։

[9ca14c43bb5a3b15ae318d4de2eec65d.jfif]

Նշվում է, որ Գերմանիայից ռազմամթերքով հատուկ գնացքը շարժվել է Ուկրաինա, որն ուղեկցել են ԱՄՆ զինվորականները։ Երկու վագոնների վնասված կնիքները նկատել է երկաթուղու անվտանգության ծառայությունը։

Տեղեկություններն այն մասին, թե կոնկրետ ինչ են տարել գողերը, տարբեր են: Ըստ որոշ տվյալների՝ խոսքը 25 մմ տրամաչափի 120 արկի մասին է, իսկ մեկ այլ աղբյուր էլ հայտնում է նռնականետների կամ զինամթերքի մասին։

Գողությունը տեղի է ունեցել Վենգլինեցում գնացքի կանգառի ժամանակ։ Գիտակցելով, թե ինչ կա գողացված արկղերում՝ կողոպտիչները ազատվել են բեռից. ոստիկանության տվյալներով՝ զինամթերքը հայտնաբերվել է Ստարի Վենգլինեց քաղաքի լճակում։