ԼՈՒՍԱՆԿԱՐՆԵՐ․ 2 տարի է «հիմնանորոգում» են, արդյունքը՝ փոսերով մայրուղի․ Աբրահամյան
Կապան-Աղվանի-Տաթև ճանապարհը 2 տարի անընդմեջ «հիմնանորոգում» են ու ամեն անգամ անելուց հետո խայտառակ վիճակ է։ Այս մասին ֆեյսբուքյան իր էջում գրել է ԱԺ «Պատիվ ունեմ» խմբակցության քարտուղար Տիգրան Աբրահամյանը։ Նա նաև լուսանկարներ է հրապարակել Կապան-Աղվանի-Տաթև ճանապարհի տարբեր հատվածներից, որոնք փոսալցված չեն կամ կիսաքանդ են։
«Սյունիքի առանցքը կազմող այս ճանապարհի վրա մեծ գումարներ են դուրս գրվում ու արդյունքը քանդած, փոսերով հարուստ մայրուղին է:
Վատ վիճակ է նաև Սիսիանից դեպի Տաթև հատվածում, որ ընդհանուր ճանապարհի կարևոր բաղադրիչներից է»,- գրել է Աբրահամյանը։
Հիշեցնենք՝ Գորիս-Կապան միջպետական ճանապարհը 44-օրյա պատերազմից հետո փոխարինվեց Կապան-Աղվանի-Տաթև այլընտրանքային ճանապարհով։
