Պուտինն ու Էրդողանը հեռախոսազրույց են ունեցել
Երկուշաբթի՝ մայիսի 29-ին, Ռուսաստանի նախագահ Վլադիմիր Պուտինը հեռախոսազրույց է ունեցել Թուրքիայի նախագահ Ռեջեփ Թայիփ Էրդողանի հետ, որի ընթացքում շնորհավորել է Թուրքիայի ղեկավարին նոր ժամկետով վերընտրվելու կապակցությամբ և նրա հետ քննարկել երկկողմ և տարածաշրջանային հարցեր։ Այս մասին հայտնել է Թուրքիայի նախագահի վարչակազմը, փոխանցում է ՏԱՍՍ-ը։
Ըստ հաղորդագրության՝ Պուտինը զրույցի ընթացքում «հույս է հայտնել, որ ընտրությունների արդյունքները կլինեն ի շահ թուրք ժողովրդի»։
Մայիսի 28-ին Թուրքիայի Գերագույն ընտրական խորհրդի (ԿԸՀ) ղեկավար Ահմեդ Էները հայտարարել է նախագահական ընտրությունների երկրորդ փուլում երկրի գործող նախագահ Ռեջեփ Թայիփ Էրդողանի հաղթանակի մասին։
