Ադրբեջանը երկրի երեսից ջնջել է օկուպացված Բերձորում Հայրենական Մեծ պատերազմի զոհերի հիշատակին նվիրված հուշարձանը։ Այս մասին թվիթերյան իր էջում գրել է Ազգային ժողովի նախագահ Ալեն Սիմոնյանը՝ մեկնաբանելով հուշակոթողի վերացման դեպքը:
 

«Հետաքրքիր է՝ զոհերի հուշարձանի քանդմանը արձագանք կլինի՞, ռեպորտաժներ կլինե՞ն, թե բավարարվենք կողմերին զսպվածություն ցուցաբերելու սովորական կոչով։

Երկակի ստանդարտներ․․․իսկ հետո զարմացած դեմքով՝ «ինչ, որտեղ է տեղի ունեցել»»,- գրել է ԱԺ խոսնակը։ 

Հիշեցնենք՝ ավելի վաղ հայտնի դարձավ՝ Ադրբեջանցիները Բերձորում հողին են հավասարեցրել Հայրենականի զոհերի հիշատակը հավերժացնող հուշահամալիրը։