Դատարանը մերժեց «Բարգավաճ Հայաստան» կուսակցության՝ ԿԸՀ-ի դեմ ներկայացված երկու հայցերը․ Տոնոյան

Վարչական դատարանը մերժել է «Բարգավաճ Հայաստան» կուսակցության՝ ԿԸՀ-ի դեմ ներկայացված երկու հայցերը։ Այս մասին ֆեյսբության իր էջում գրել է ԲՀԿ մամուլի խոսնակ Իվետա Տոնոյանը։

«Սիրելի՛ հայրենակիցներ, թեև Վարչական դատարանը մերժել է «Բարգավաճ Հայաստան» կուսակցության՝ ԿԸՀ-ի դեմ ներկայացված երկու հայցերը, սակայն դատավոր Արթուր Ավագյանը արձանագրել է խախտում և վերաքվեարկություն նշանակելու անհրաժեշտություն»,- նշել է Տոնոյանը։

Հիշեցնենք, որ ավելի վաղ Իվետա Տոնոյանը  նշել էր, որ Վարչական դատարանը կքննի ԲՀԿ-ի ներկայացրած հայցերը ԿԸՀ-ի 254 և 255 Ա որոշումների դեմ, որոնցով երկու ընտրատեղամասերում անվավեր են ճանաչվել քվեարկության արդյունքները։