ՏԵՍԱՆՅՈՒԹ. Դնեպրի հիվանդանոցը գնդակոծության է ենթարկվել. մեկ մարդ մահացել է
Ուկրաինայի Դնեպր քաղաքում հրթիռակոծության է ենթարկվել տեղի պոլիկլինիկայի շենքը, ինչի հետևանքով զոհվել է մեկ մարդ, վիրավորվել՝ 15-ը։ Այս մասին Telegram-ի ալիքում հայտնել է Ուկրաինայի նախագահ Վլադիմիր Զելենսկին։
Նա հավելել է, որ հրետակոծության հետևանքները այժմ վերացվում են։
Վիրավորների թվում կան 3 և 6 տարեկան երկու տղաներ, հայտնում է Դնեպրոպետրովսկի շրջանային վարչակազմի ղեկավար Սերխի Լիսակը։ Նրա խոսքով՝ նրանք հոսպիտալացվել են միջին ծանրության վիճակում։ Տուժածներից ևս երկուսը ծանր վիճակում են:
