Մենք քննարկելու բան չունենք. Էրդողանը պատասխանել է Քըլըչդարօղլուի բանավեճի կոչին

Թուրքիայի նախագահ Ռեջեփ Թայիփ Էրդողանը մերժել է ընդդիմության թեկնածու Քեմալ Քըլըչդարօղլուի՝ հեռուստաբանավեճ անցկացնելու առաջարկը՝ նշելով, որ իրենք խոսելու ոչինչ չունեն։ Այս մասին նա հայտարարել է CNN Turk-ին և Kanal D-ին տված հարցազրույցում։

Նվշվում է, որ Քըլըչդարօղլուն հինգշաբթի օրը հեռուստաբանավեճի էր հրավիրել հանրապետության գործող ղեկավարին՝ «ապացուցելու» իր ենթադրյալ «համագործակցությունն ահաբեկիչների հետ»։ Էրդողանն էլ ասել է, որ եթե Քըլըչդարօղլուն չի կարողանում ապացուցել ահաբեկիչների հետ իր համագործակցությունը, ապա նա «անազնիվ մարդ» է։

«Հիմա նա ինձ կանչում է հեռուստատեսություն։ Ինչի՞ մասին եք խոսելու ինձ հետ։ Նա ոչ ձեռքբերումներ ունի, ոչ տեսլական։ Ես ձեզ հետ քննարկե՞մ Օքմեյդանայի շրջանի սոցիալական ապահովագրության բաժնի հիվանդանոցը, թե՞ խոսենք, այն մասին, թե ինչպե՞ս եք խորհրդարանում 40 մանդատ տվել նրանց, ովքեր ընտրություններում նույնիսկ 1 տոկոս ձայն չեն ստացել»,- ասել է Էրդողանը։

Հիշեցնենք՝ Թուրքիայում նախագահական ընտրությունների երկրորդ փուլը նշանակված է մայիսի 28-ին։