Չինաստանը պատրաստ է ընդլայնել համագործակցությունը Ռուսաստանի հետ
Չինաստանը, արևմտյան երկրների հետ հարաբերությունների վատթարացման ֆոնին, Հիրոսիմայում անցկացված Մեծ Յոթնյակի (G7) գագաթնաժողովից հետո պատրաստ է ընդլայնել Ռուսաստանի հետ համագործակցությունը։ Այս մասին հայտնել է The Washington Post-ը՝ վկայակոչելով միջազգային հարաբերությունների ոլորտի փորձագետներին։
Նշվում է, որ ըստ փորձագետների G7-ի գագաթնաժողովը միայն ընդգծեց մի կողմից Չինաստանի և Ռուսաստանի, իսկ մյուս կողմից ԱՄՆ-ի ու նրա դաշնակիցների միջև աճող աշխարհաքաղաքական անջրպետը։
«Չինաստանը պատրաստ է ընդլայնել իր համագործակցությունը Ռուսաստանի հետ G7-ի գագաթնաժողովից հետո, քանի որ G7-ի համաժողովում կենտրոնական թեման ոչ միայն ուկրաիանական պատերազմն է եղել, այլև Արևմուտք-Չինաստան հարաբերությունները և դրանում ԵՄ դիրքավորումը»,- ասել է Ավստրալիայի Նոր Հարավային Ուելսի համալսարանի միջազգային հարաբերությունների դասախոսը:
