Չինական ընկերությունն աշխատակիցներին խնդրել է հերթով հղիանալ
Չինական ընկերությունը աշխատակիցներին խնդրել է հերթով հղիանալ: Այս մասին գրել է Gazeta.ru-ն:
Չինաստանի պետական ֆիրմայի աշխատակիցները սկսել են հղիություն պլանավորել միաժամանակ, սակայն ղեկավարությունն իմացել է այդ մասին և կազմակերպել հանդիպում, որի ընթացքում նրանց հորդորել են ժամանակացույց կազմել և «հղիանալ մեկ առ մեկ»։
Տնօրեններից մեկի խոսքով՝ եթե կանայք միաժամանակ գնան ծննդաբերության արձակուրդի, ընկերությունը կբախվի կադրերի պակասի։
Այն բանից հետո, երբ կանանցից մեկը սոցիալական ցանցերում խոսել է այդ մասին, օգտատերերը զայրացել են` ղեկավարներին անվանելով եսասեր և անարդար։