Բելգորոդում ուկրաինական դիվերսիոն խմբի հարձակման ժամանակ կրակել են քաղաքացու գլխին․ Գլադկով
Բելգորոդի շրջանի Գրեյվորոն քաղաքային թաղամասում ուկրաինական դիվերսիոն-հետախուզական խմբի հարձակման ժամանակ խաղաղ բնակիչներից մեկը մահացել է գլխին ստացած կրակոցից: Այս մասին հայտնել է շրջանի նահանգապետ Վյաչեսլավ Գլադկովը։
«Հենց նոր ստացա տեղեկություն, որ Գրայվորոն շրջանի տարածք դիվերսիոն-հետախուզական խմբի մուտքի ժամանակ մահացած քաղաքացիական անձի մահվան պատճառը եղել է գլխին ստացած կրակոցը, այլ ոչ բեկորային վնասվածքը»,- գրել է նա։
Գլադկովի խոսքով՝ բնակիչը եղել է Պրեոբրաժենսկի գումարտակի հրամանատարը, սակայն նա այլևս զինվորական չի եղել։
Նա հայտնել է, որ մարզային բյուջեից մահացածի ընտանիքին կվճարվի 3 մլն ռուբլի, իսկ անչափահաս դստերը՝ մինչև 21 տարեկանը լրանալը, ամսական 50 հազար ռուբլի։
Հիշեցնենք՝ խաղաղ բնակիչը մահացել է մայիսի 22-23-ը դիվերսանտների մուտքի ժամանակ։
