Անօդաչու թռչող սարքից արդեն 2-րդ անգամ պայթուցիկ են նետում Բելգորոդի վրա

ՌԴ Բելգորոդի շրջանում արդեն երկրորդ անգամ ուկրաինական անօդաչու թռչող սարքից պայթյուցիկ են նետել քաղաքացիական շինությունների վրա։ 

Վաղ առավոտյան անօդաչու թռչող սարքից երկու պայթուցիկ են նետել Բելգորոդի շրջանի Բորիսովկա քաղաքի Երիտասարդական նախաձեռնությունների կենտրոնի շենքի վրա։ Այս մասին գրում են ռուսական լրատվամիջոցները։ 

Նշվում է, որ պայթյունի հետևանքով վնասվել են երեք ավտոմեքենաներ և Կենսաթոշակային հիմնադրամի շենքի ապակեպատումը։

Նախնական տվյալներով՝ զոհեր չկան։

Հիշեցնենք՝ երեկ գիշերը նույնպես Բելգորոդում անօդաչու թռչող սարքից պայթուցիկներ են նետել Անվտանգության դաշնային ծառայության շենքի վրա։