Զելենսկու խաղաղության ծրագիրը հակամարտության կարգավորման ծրագիր չէ․ Մեդվեդչուկ

Ուկրաինայի նախագահ Վլադիմիր Զելենսկու հայտարարած խաղաղության ծրագիրը Ուկրաինայում հակամարտության կարգավորման ծրագիրը չէ։ Այս մասին հայտարարել է ուկրաինացի ընդդիմադիր քաղաքական գործիչ Վիկտոր Մեդվեդչուկը: 

«Զելենսկու լայնորեն հայտարարված խաղաղության ծրագիրը, որով նա ճանապարհորդում է աշխարհով մեկ՝ գովազդային նպատակներով, Ուկրաինայում հակամարտության կարգավորման ծրագիրը չէ, դա պարզապես Զելենսկու և նրա շրջապատի չափազանց հավակնոտ ցանկությունների ցանկն է», - նշել է նա։

Ուկրաինացի ընդդիմադիր քաղաքական գործչի խոսքով` ծրագրով առաջարկված ձևակերպումները հանգում են երեք դրույթների, որոնք վերաբերում են Ուկրաինայի տարածքից ՌԴ զորքերի դուրսբերմանը, Ռուսաստանին պատժելուն և դրա հիման վրա նոր աշխարհակարգի և անվտանգության համակարգի կառուցմանը: 

Վիկտոր Մեդվեդչուկի խոսքով` այս ծրագրի հետևում «Զելենսկին չի կանգնած, ինչով էլ, ըստ էության, բացատրվում է նման լայն աջակցությունը»։