Ավստրալիայի Սիդնեյ քաղաքում հրդեհ է բռնկվել յոթհարկանի շենքում, որը գտնվում է կենտրոնական քաղաքային կայարանի մոտ։

Ավելի քան հարյուր հրշեջներ ներգրավված են հրդեհի մարման աշխատանքներին, հայտնում է Yle-ն։

Դեպքի վայրում են նաև ոստիկաններն ու շտապօգնության աշխատակիցները, տուժածներ չկան:

Հրդեհի պատճառը դեռևս հայտնի չէ։

Ականատեսներից մեկը հայտնում է, որ սկզբում տեսել է ծխի հսկայական սյուն, իսկ հետո շենքի ողջ պատը, կրակի մեջ ընկած, ուղղակի փլուզվել է։

«Աղմուկն անհավանական էր։ Երկիրը ցնցվեց», - ասել է նա: