Իսրայելը և Ադրբեջանը ջանքեր են գործադրում տարածաշրջանում խաղաղության համար. Իսրայելի հետախուզության նախարար
«Իսրայելը և Ադրբեջանը համատեղ ջանքեր են գործադրում տարածաշրջանում և աշխարհում խաղաղություն և կայունություն ապահովելու համար»․ այս մասին հայտարարել է Իսրայելի հետախուզության նախարար Գիլա Գամլիելը` Իսրայելում Ադրբեջանի դեսպանատանը ելույթ ունենալով Ադրբեջանի անկախության օրվա կապակցությամբ:
Նա նշել է, որ հպարտ է Անկախության օրվա կապակցությամբ Ադրբեջանի դեսպանատան կողմից կազմակերպված առաջին միջոցառմանը մասնակցելու համար և ընդգծել, որ երկու երկրների հարաբերությունները հիմնված են փոխադարձ հարգանքի և վստահության վրա։
