Պերուի խորհրդարանում քվեարկել են Մեքսիկայի նախագահին անցանկալի անձ հայտարարելու օգտին
Պերուի Կոնգրեսի (խորհրդարանի) միջազգային գործերի հանձնաժողովը երկուշաբթի քվեարկել է Մեքսիկայի նախագահ Անդրես Մանուել Լոպես Օբրադորին անցանկալի անձ (պերսոնա նոն գրատա) հայտարարելու օգտին՝ հարավամերիկյան հանրապետության իշխանությունների հասցեին արված քննդատության պատճառով։ Այս մասին հայտնում է ТАСС գործակալությունը։
«Միջազգային գործերի հանձնաժողովը տասնմեկ «կողմ» ձայներով հավանություն է տվել այն բանաձեւին, որը դատապարտում է Մեքսիկայի նախագահ Անդրես Լոպես Օբրադորի հայտարարությունները եւ նրան պերսոնա նոն գրատա է հայտարարում»,- նշվել է խորհրդարանի թվիթերյան էջում։
Այժմ նախաձեռնությունը պետք է դիտարկի Կոնգրեսի պլենումը։
