«Հյուսիսային հոսք» գազատարը Ուկրաինան է պայթեցրել․ The Times
Գերմանական հետաքննությունը կարծում է, որ Ուկրաինան է պայթեցրել «Հյուսիսային հոսք» գազատարը: Այդ մասին գրում է The Times-ը։
Գերմանացի քննիչները թերահավատորեն են վերաբերվում այն պնդումներին, որ ռուսական ռազմանավերն են դիվերսիա կատարել «Հյուսիսային հոսք» գազատարի վրա։
Նշենք, որ ամերիկացի հեղինակավոր լրագրող Սեյմուր Հերշի տեղեկություններով՝ դրանք ամերիկյան հատուկ ծառայություններից մեղադրանքները շեղելու փորձեր են, քանի որ հենց նրանք են կազմակերպել Բալթիկ ծովում գազատարի պայթյունը։
Հիշեցնենք, որ «Հյուսիսային հոսք» գազատարի վրա դիվերսիան տեղի է ունեցել 2022 թվականի սեպտեմբերի 26-ին։
