Զատուլինին թույլ չեն տվել մուտք գործել Ղազախստան
Պետդումայի պատգամավոր, ԱՊՀ գործերով, եվրասիական ինտեգրման և հայրենակիցների հետ կապերի հանձնաժողովի նախագահի առաջին տեղակալ Կոնստանտին Զատուլինին թույլ չեն տվել մուտք գործել Ղազախստան՝ այցի անցանկալի լինելու պատճառով:
Զատուլինին թույլ չեն տվել անցնել անձնագրային հսկողության գոտի: Թե ի՞նչ նպատակով է պատգամավորը մեկնել Ղազախստան՝ հայտնի չէ։
«Որոշ դժվարություններից և իրավիճակին ՌԴ ԱԳՆ միջամտությունից հետո խնդիրը լուծվեց», - RBC-ին ասել են Զատուլինի մամուլի ծառայությունից՝ չհստակեցնելով, թե դա ինչ է նշանակում։
