Թուրքիայի նախագահի նախկին թեկնածուն առաջիկա ընտրություններին կաջակցի Էրդողանին
Թուրքիայի նախագահի նախկին թեկնածու Սինան Օհանը հայտարարել է, որ մայիսի 28-ին կայանալիք ընտրությունների երկրորդ փուլում երկրի գործող առաջնորդ Ռեջեփ Էրդողանին է աջակցելու:
Առաջին փուլում քաղաքական գործիչը ստացել է ընտրողների գրեթե 5,2 տոկոսի աջակցությունը։
Թուքական ԶԼՄ-ները գրում են, որ Օհանը մտադիր չէ աջակցել ընդդիմադիր թեկնածու Քեմալ Քըլըչդարօղլուին, քանի որ նա «պաշտպանում է ահաբեկչական կազմակերպություններին»։
Հիշեցնենք՝ մայիսի 28-ին Թուրքիայում տեղի կունենա նախագահական ընտրությունների երկրորդ փուլը։
