Պետք է շտապ գտնել այդ ահաբեկչին․ Էրդողանը՝ ԱՄՆ-ում «Թուրքական տան» վրա հարձակման մասին
Թուրքիայի նախագահ Ռեջեփ Թայիփ Էրդողանը արձագանքել է Նյու Յորքում «Թուրքական տան» վրա կատարված հարձակմանը։
Նա Մանհեթենում գտնվող Հանրապետության գլխավոր հյուպատոսության վրա հարձակվողին ահաբեկիչ է անվանել։ Էրդողանը կոչ է արել ԱՄՆ իշխանություններին շտապ գտնել հարձակվողին։
«Մի տղամարդ կոտրել է «Թուրքական տան» պատուհանը։ Ամերիկյան իշխանություններին, անվտանգության ուժերին չասե՞նք, որ պետք է շտապ գտնել այս ահաբեկչին։ Նրանք պետք է անեն այն, ինչ պահանջվում է։ Իրենք ինչպե՞ս կվերաբերվեին նման միջադեպին Թուրքիայում», - ասել է երկրի ղեկավարը Ստամբուլում ելույթի ժամանակ։ Հեռարձակումն իրականացրել են տեղական հեռուստաալիքները։
