«Գերիների վերադարձի հարցում քննարկումները կշարունակվեն առաջիկա հանդիպումներին». Փաշինյան
ՀՀ վարչապետ Նիկոլ Փաշինյանն անդրադարձել է Հայաստան-Ադրբեջան երկաթուղու վերականգման վերաբերյալ Բրյուսելում տեղի ունեցած բանակցություններին։
Նրա նշել է, որ հաշվի առնելով նախկին փորձը՝ ձեռնպահ կմնա որևէ կոնկրետացումից.
«Միայն նշեմ, որ Հայաստանը պատրաստ է 2020թ. նոյեմբերի 9-ի եռակողմ հայտարարության 9-րդ և 2021թ. հունվարի 11-ի եռակողմ հայտարարությամբ նախատեսված կոմունիկացիաների բացումն իրականացնել օր առաջ՝ կողմերի ինքնիշխանության, իրավազորության, հավասարության և փոխադարձության սկզբունքների հիման վրա»,- ասել է նա։
Խոսելով գերիների ազատ արձակման մասին՝ նա հայտնեց, թե այդ թեմայով ևս որոշակի ըմբռնում կա.
«Հաշվի առնելով հարցի գերզգայուն լինելը՝ ասեմ, որ այս թեմայով քննարկումները կշարունակվեն առաջիկա հանդիպումների ընթացքում»։
