Աշոտ Փաշինյանի դեպքը հիշեցրեց Լապշինի հետ Վլադիմիր Կարապետյանի դստեր տարօրինակ ծանոթությունը․Հոխիկյան
Լրագրող Նաիրի Հոխիկյանը ֆեյսբուքյան իր էջում ադրադարձել է Նիկոլ Փաշինյանի որդու՝ Աշոտ Փաշինյանի հետ կապված երեկվա միջադեպին և գրառմանը կից տեղադրել իր ու հրեա բլոգեր Լապշինի հետ նամակագրությունից մի հատված՝ կապելով երկու թեմաներն իրար։
«Նայելով, թե Նիկոլ Փաշինյանն իր որդուն ինչպես է օգտագործում իր քաղաքական կեղտոտ ու սրբապիղծ խաղերի մեջ՝ հարվածի տակ դնելով անգամ զոհված հերոսների ծնողներին, հիշեցի 2021-ին հրեա բլոգեր Ալեքսանդր Լապշինի հետ Վլադիմիր Կարապետյանի դստեր տարօրինակ պայմաններում ծանոթությունը, որը հարցեր էր առաջացրել անգամ Լապշինի մոտ՝ կիսվելով ինձ հետ», - գրել է նա։
Հոխիկյանը նշել է, որ մինչ Վլադիմիր Կարապետյանի դստեր հետ հանդիպումը այն ժամանակ Լապշինը դեռ մտորում էր՝ խոսե՞լ Փաշինյանի մամուլի խոսնակ Վլադիմիր Կարապետյանի ասածների մասին՝ Արցախը հանձնելու, Ադրբեջանի ու Թուրքիայի հետ բարեկամություն անելու վերաբերյալ, թե՞ վախենալ նրանց վտանգից։
«Վլադիմիր Կարապետյանի դստեր հետ այդ տարօրինակ հանդիպումից հետո Լապշինը գլխիվայր փոխեց իր խոսքերը՝ աստիճանաբար հրաժարվելով նախկինում ասած խոսքերից», - գրել է նա։
