Գերմանիան ևս 11 միլիարդ եվրո կուղարկի Ուկրաինային
Բեռլինն ընթացիկ տարում ևս 11 միլիարդ եվրո կուղարկի Կիևի իշխանություններին ռազմական աջակցության համար։ Այս մասին ասվել է կիրակի օրը Բեռլինում Գերմանիայի կանցլեր Օլաֆ Շոլցի և Ուկրաինայի նախագահ Վլադիմիր Զելենսկու համատեղ հայտարարության մեջ։
«Ընդհանուր առմամբ, Գերմանիան ավելի քան 11 միլիարդ եվրո է հատկացնում 2023 թվականի համար և դրանից հետո՝ Ուկրաինային ռազմական աջակցությունը շարունակելու համար»,- ասվում է տեքստում։
Շոլցն ավելի վաղ ասել էր, որ 2022 թվականի փետրվարից, երբ սկսվեց ռուսական հատուկ ռազմական գործողությունը Ուկրաինայում, Բեռլինն արդեն հատկացրել է 17 միլիարդ եվրո, այդ գումարը ներառում է ռազմական, ֆինանսական և հումանիտար օգնություն։
