ՌԴ նախագահի մամուլի քարտուղար Դմիտրի Պեսկովը պատմել է, թե ինչպես է նախագահ Վլադիմիր Պուտինը արձագանքել Կրեմլի վրա անօդաչու թռչող սարքի հարձակման մասին հաղորդագրություններին։

Պեսկովն ընդգծել է, որ Պուտինը «միշտ հանգիստ և հստակ է մնում իր տված գնահատականներում և հրահանգներում»։

«Այս առումով ոչ մի նոր բան տեղի չի ունեցել», - ասել է խոսնակը։

Պեսկովը նաև ասել է, որ միջադեպից հետո նախագահական ուղերձ կամ ՌԴ Անվտանգության խորհրդի արտակարգ նիստ չի նախատեսվում, և ՌԴ ղեկավարի ժամանակացույցը չի փոխվել։