Ռուսական կործանիչը Սև ծովում որսացել է լեհական ինքնաթիռը
Ռումինիայի օդային տարածքից մոտ 60 կիլոմետր դեպի արևելք ռուսական Սու-35 կործանիչը որսացել է Լեհաստանի սահմանապահ ծառայությանը պատկանող L410 TURBOLET-ը։ Այս մասին ասվում է Ռումինիայի պաշտպանության նախարարության մամուլի ծառայության հաղորդագրության մեջ։
Լեհական ինքնաթիռը Ռումինիայի սահմանային ոստիկանության հետ համատեղ սովորական պարեկային առաքելություն էր իրականացնում Սև ծովի միջազգային օդային տարածքում:
«Ագրեսիվ և վտանգավոր զորավարժությունները», որոնք բազմիցս իրականացվել են ռուսական կործանիչի կողմից լեհական ինքնաթիռի մոտակայքում, առաջացրել են «բարձր տուրբուլենտություն և լուրջ դժվարություններ այն վերահսկելու համար»,- ասվում է զեկույցում։
