Սուդանի բանակը 72 ժամով կերկարացնի հրադադարի ռեժիմի ժամկետը
Սուդանի Զինված ուժերը (ԶՈւ) համաձայն են մարդասիրական նպատակներով ևս 72 ժամով երկարացնել հրադադարի ռեժիմի ժամկետը, որն սպառվում է կեսգիշերին։ Այս մասին հինգշաբթի տեղեկացրել էր ԶՈւ-ի պաշտոնական ներկայացուցիչը։
«ԶՈւ-ն համաձայն է 72 ժամով երկարացնել հաշտությունը հրադադարի գործող ռեժիմի ավարտի պահից սկսած»,- նշվել է բանակի ֆեյսբուքյան պաշտոնական էջում հրապարակված հայտարարությունում։
Սուդանի ԶՈւ-ն հույս է հայտնել, որ «խռովարարները կկատարեն հաշտության պահանջները»՝ չնայած «որոշ օբյեկտների վրա հարձակվելու» իրենց փորձերին, որոնք գրանցվել են բանակի կողմից։
