ՏԵՍԱՆՅՈՒԹ․ Իսրայելի ռազմաօդային ուժերը ոչնչացրել են Սիրիայի «Հըզբոլլահի» զինապահեստը
Ապրիլի 29-ի գիշերը Իսրայելի ռազմաօդային ուժերը հրթիռային հարվածներ են հասցրել և ոչնչացրել «Հըզբոլլահի» զինապահեստը Հոմսի Ադ-Դաբա ռազմական օդանավակայանի տարածքում։ Հայտնում են սիրիական լրատվամիջոցները՝ հղում անելով Սիրիայի պաշտպանության նախարարությանը։
«Այսօր ժամը 00:50-ի սահմաններում Իսրայելը մի քանի հրթիռներով օդային ագրեսիա է իրականացրել հյուսիսային Լիբանանից՝ խոցելով Հոմս քաղաքի մերձակայքում գտնվող որոշ կետեր։ Մեր ՀՕՊ համակարգերն արձագանքել են հակառակորդի հրթիռներին և խոցել դրանցից մի քանիսը։ Ագրեսիայի հետևանքով երեք խաղաղ բնակիչ վիրավորվել է», - ասվում է Սիրիայի պաշտպանության նախարարության հայտարարության մեջ։
Իսրայելի իշխանությունները չեն մեկնաբանում հրթիռակոծության մասին հաղորդագրությունները:
