CNN-ն աշխատանքից հեռացրել է հաղորդավար Դոն Լեմոնին՝ 17 տարվա աշխատանքից հետո: 
Այս մասին հայտնել է հաղորդավարը Twitter-ի իր էջում։

«Ես ցնցված եմ: 17 տարի CNN-ում աշխատելուց հետո ես ակնկալում էի, որ հեռուստաալիքի ղեկավարությունից ինչ-որ մեկը պարկեշտություն կունենա ինձ ուղղակիորեն ասելու այս պաշտոնանկության մասին»,- գրել է նա։ Պաշտոնանկության պատճառը Լեմոնը չի նշել։

CNN-ը հայտնել է, որ Լեմոնին առաջարկել են հանդիպել ղեկավարության հետ, սակայն նա հրաժարվել է։ Չի նշվում նաեւ պայմանագիրը խզելու՝ հեռուստաալիքի որոշման պատճառը։

Ավելի վաղ հայտնի էր դարձել, որ հեռուստահաղորդավար Թաքեր Կարլսոնը, ով բազմիցս քննադատել է ԱՄՆ իշխանությունների գործողությունները, դադարեցրել է համագործակցությունը նաեւ Fox News հեռուստաալիքի հետ։ Կառլսոնի հեռանալու պատճառները նույնպես չեն նշվում։ 

Հայտնի չէ նաև, թե ով է համագործակցության դադարեցման նախաձեռնողը։