Եվգենի Պետրոսյանը՝ վերակենդանացման բաժանմունքում գտնվելու տեղեկությունների մասին

Հումորիստ Եվգենի Պետրոսյանը Teleprogramma.pro-ին տված հարցազրույցում մեկնաբանել է մամուլում հայտնված այն տեղեկությունը, թե ինքը գտնվում է վերակենդանացման բաժանմունքում։

Պետրոսյանի խոսքով՝ սա առաջին դեպքը չէ, երբ լրագրողները իր մասին կեղծ տեղեկություններ են հրապարակում:

«Ես պլանային ստուգում եմ անցնում: Ի՞նչ վերակենդանացում: Ես վաղը դուրս եմ գրվելու: Պարզապես պլանային ստուգում, որը ես անցնում եմ տարին մեկ անգամ։ Սա ոչ միայն սուտ է, այլև անձնական կյանքի ներխուժում: Ոչ ոք իրավունք չունի դա անել առանց թույլտվության։ Ինձ մոտ ամեն ինչ լավ է», - ասել է հումորիստը: