Ամերիկացի հաղորդավար Թաքեր Կարլսոնը հեռացել է Fox News-ից

Ամերիկյան ամենաբարձր վարկանիշ ունեցող լրագրողներից մեկը՝ Թաքեր Կարլսոնը, որը հայտնի է Ջո Բայդենի վարչակազմի և անձամբ ԱՄՆ նախագահի հասցեին իր սուր քննադատությամբ, լքել է Fox News հեռուստաալիքը։ Այս մասին հայտնում է РБК-ն։ 

Նրա վերջին հեղինակային հաղորդումը՝ Tucker Carlson Tonight-ը հեռարձակվել է ապրիլի 21-ին: Այժմ հեռարձակման ժամանակացույցը ժամանակավորապես ներառում է երեկոյան Fox News Tonight շոուն, որը հերթով վարելու են ալիքի տարբեր հաղորդավարներ։ 

Կարլսոնի պաշտոնանկության պատճառը չի բացահայտվել, սակայն ամերիկյան լրատվամիջոցները նշում են, որ դա տեղի է ունեցել չորս օր անց այն բանից հետո, երբ Fox News-ը ավելի քան 767 միլիոն դոլար է վճարել Dominion Voting Systems-ին 2020 թվականի նախագահական ընտրություններում զրպարտության գործով։

Նշվում է, որ Թաքեր Կարլսոնի՝ Fox News-ից հեռանալը արժեցել է մոտ մեկ միլիարդ դոլար։ Հեռուստահաղորդավարի աշխատանքից ազատվելու հայտարարությունից հետո Fox Corp-ի ակցիաները նվազել են 5,4%-ով։

Ինչպես նշում է Bloomberg-ը, կաբելային ալիքների փրայմ թայմում միայն սպորտային հաղորդումներն են ավելի հայտնի, քան Կարլսոնը։