Ստամբուլում կրակել են Էրդողանի կուսակցության գրասենյակի վրա
Թուրքիայի Ստամբուլ քաղաքում անհայտ անձինք կրակել են Էրդողանի կուսակցության գրասենյակի վրա:
Daily Sabah թերթի փոխանցմամբ՝ Թուրքիայի իշխող «Արդարություն եւ զարգացում» կուսակցության նախընտրական շտաբը ենթարկվել է մի խումբ զինված անձանց հարձակմանը։ Տուժածներ չկան, դեպքի վայրը շրջափակել են ոստիկանները։ Կատարվում է հետաքննություն։
Հիշեցնենք, որ օրեր առաջ նման միջադեպ էր եղել նաեւ Ադանայում գտնվող Էրդողանի կուսակցության գրասենյակի վրա:
