Լիտվան պատմության մեջ առաջին անգամ կանջատվի ռուսական էներգետիկ համակարգից
Լիտվայի իշխանությունները պատմության մեջ առաջին անգամ կանջատվեն ռուսական էլեկտրահամակարգից՝ այդպիսով վերջնականապես խզելով բոլոր էներգետիկ կապերը Մոսկվայի հետ։ Այս մասին հայտնում է moscowtimes-ը։
Այս մասին ասվում է երկրի Litgrid ցանցային օպերատորի հայտարարության մեջ։ «Պատմության մեջ առաջին անգամ Լիտվայի էներգահամակարգը կգործի լիովին անկախ, ուստի մենք պատասխանատու մոտեցում ենք ցուցաբերում փորձարկմանը պատրաստվելու և պատրաստ կլինենք բոլոր սցենարներին։ Փորձնական անջատումը տեղի կունենա շաբաթ օրը՝ տեղական ժամանակով ժամը 11:00-ից մինչև 21:00-ն, որի ընթացքում Լիտվան կանցնի էներգիայի սեփական աղբյուրներին, ինչպես նաև էլեկտրաէներգիա կներմուծի Շվեդիայից և Լեհաստանից», - ասել է Lutgrid-ի գործադիր տնօրեն Ռոկաս Մասիուլիսը: Նրա խոսքով՝ լիտվացի սպառողները չեն նկատի ռուսական էներգահամակարգից անջատումը։
