Հայաստանի երեք ներկայացուցիչ եզրափակչում է․ մարմնամարզության ԵԱ
Հայաստանի երեք ներկայացուցիչները Թուրքիայի Անթալիա քաղաքում անցկացվող Եվրոպայի առաջնության եզրափակիչ են դուրս եկել։ Այս մասին հայտնում է Հայաստանի մարմնամարզության ֆեդերացիան։
Աշխարհի չեմպիոն Արթուր Դավթյանը հանդես կգա բազմամարտի եզրափակիչում, նժույգ թափերում և հենացատկում։
Մրցումների եզրափակիչում օղակների վարժությունում հանդես կգան Արթուր Ավետիսյանն ու Վահագն Դավթյանը։
Եվրոպայի առաջնությունը կավարտվի ապրիլի 16-ին։
Հիշեցնենք, որ ավելի վաղ հայ մարմնամարզիկները Թուրքիայում կայացած երիտասարդների աշխարհի առաջնությանը նվաճել էին 2 ոսկի և 1 արծաթե մեդալ։ Թիմային ստուգատեսում Հայաստանի հավաքականը չորրորդ տեղն էր զբաղեցրել։
