![ՑԱԽԱԼ-ը հարվածներ են հասցրել Լիբանանում ՀԱՄԱՍ-ի թիրախների վրա](https://auroranews.am/storage/img/base_image/old/d94774c5de4a65b5fcf37e9eec8da8c1.webp)
ՑԱԽԱԼ-ը հարվածներ են հասցրել Լիբանանում ՀԱՄԱՍ-ի թիրախների վրա
![ՑԱԽԱԼ-ը հարվածներ են հասցրել Լիբանանում ՀԱՄԱՍ-ի թիրախների վրա](https://auroranews.am/storage/img/base_image/old/d94774c5de4a65b5fcf37e9eec8da8c1.webp)
Իսրայելի պաշտպանության բանակը հայտնել է, որ իր ինքնաթիռները հարվածել են Լիբանանի հարավում գտնվող ՀԱՄԱՍ խմբավորմանը պատկանող մի քանի օբյեկտների:
«Իսրայելական բանակը հարձակվել է Լիբանանի հարավում գտնվող ահաբեկչական կազմակերպության ենթակառուցվածքների և այլ օբյեկտների վրա», - Twitter-ում գրել է իսրայելական բանակը:
Զեկույցում ընդգծվում է, որ Իսրայելի պաշտպանության բանակը թույլ չի տա ՀԱՄԱՍ-ին գործել Լիբանանի տարածքից, որին իսրայելցիները պատասխանատու են համարում այդ տարածքից գնդակոծությունների համար։
Իսրայելական լրատվամիջոցները հայտնում են, որ ուժեղ պայթյուններ են լսվում Լիբանանի հարավում գտնվող Տյուր քաղաքում։
Ուրբաթ առավոտյան Իսրայելի պաշտպանության բանակը ավիահարվածներ է հասցրել Գազայի հատվածում գտնվող թիրախներին նախորդ օրը Լիբանանի տարածքից հրթիռակոծելուց հետո: Ըստ բանակի մամուլի ծառայության՝ Իսրայելի հյուսիսում հրթիռների արձակման հետևում կանգնած է ՀԱՄԱՍ խմբավորումը։
Ինչպես հայտնում է The Times of Israel-ը, Իսրայելի իշխանությունների տվյալներով՝ ընդհանուր առմամբ արձակվել է 34 հրթիռ, որոնցից 29-ը ոչնչացվել է հակահրթիռային պաշտպանության համակարգի կողմից։
Լիբանանը հայտնել է, որ հրթիռները, ըստ երևույթին, արձակվել են պաղեստինյան փախստականների ճամբարներից: Բեյրութը նաև հերքել է իսրայելական բանակի կողմից պատասխան գնդակոծությունների մասին լուրերը:
Մինչդեռ իսրայելական լրատվամիջոցները գրում են, որ ուրբաթ գիշեր Գազայից Իսրայելի ուղղությամբ առնվազն 10 հրթիռ է արձակվել։ Իսրայելական մի քանի բնակավայրերում օդային հարձակման մասին զգուշացնող ազդանշաններ են հնչում։ Իսրայելի պաշտպանության բանակը դեռ չի մեկնաբանել այս հաղորդագրությունները։