ԱՄՆ հետախուզությունը տվյալներ է փոխանցել Ուկրաինային ռուս բարձրաստիճան սպաների դեմ հարվածների համար․ NYT
ԱՄՆ-ն իրական ժամանակում հետախուզական տվյալներ է տրամադրել ուկրաինացի զինվորականներին Ռուսաստանի զինված ուժերին հարվածներ հասցնելու համար: Այս մասին գրում է New York Times-ը՝ մեկնաբանելով ԶԼՄ-ներում Ուկրաինայի զինված ուժերի ենթադրյալ ծրագրերի մասին փաստաթղթերի արտահոսքը։
Հրատարակության համաձայն՝ հատուկ գործողության հենց սկզբից Վաշինգտոնը Կիևին փոխանցել է տվյալներ ռուս զինվորականների հրամանատարական կետերի, զինամթերքի պահեստների և այլ առանցքային հանգույցների վերաբերյալ։
Նման հետախուզությունը թույլ է տվել Ուկրաինայի Զինված ուժերին զենք ուղղել ռուսական ուժերի, այդ թվում՝ բարձրաստիճան սպաների ուղղությամբ, նշվում է հոդվածում։
Ավելի վաղ հայտնի էր դարձել, որ ԱՄՆ պաշտպանության նախարարությունը հետաքննում է սոցցանցում գաղտնի նյութերի արտահոսքը, որը նկարագրում է Ուկրաինայի զինված ուժերի վիճակը և ուկրաինական բանակն ուժեղացնելու ԱՄՆ-ի ու Հյուսիսատլանտյան դաշինքի ծրագրերը։
Ուկրաինայի նախագահ Վլադիմիր Զելենսկու գրասենյակում արտահոսքը ֆոտոշոփ են անվանել։
Ինչպես նշել են Կրեմլում, Մոսկվան չի կասկածում ուկրաինական հակամարտությունում ՆԱՏՕ-ի ուղղակի կամ անուղղակի ներգրավվածությանը։
