Ուկրաինան հակահարձակման է նախապատրաստում 40 հազար մարդու

Ուկրաինական հրամանատարությունը մտադիր է օգտագործել, այսպես կոչված, 40 հազար մարդուց բաղկացած Հարձակողական գվարդիան ռուսական բանակի դեմ հատուկ ռազմական գործողության գոտում հակահարձակման համար, գրում է RT-ն՝ հղում տալով Reuters-ին։
 

««Պողպատե սահմանը» ութ նոր գրոհային բրիգադներից մեկն է, որոնց թիվը հասնում է 40 հազարի»,- գրում է գործակալությունը։
 

Ենթադրվում է, որ Ուկրաինան ցանկանում է այդ մարդկանց, ստացված զինտեխնիկայի հետ մեկտեղ, օգտագործել հակահարձակման համար «առաջիկա շաբաթների կամ ամիսների ընթացքում»։

Հոդվածում նշվում է նաև, որ հարձակողական գործողությունների ձախողումը կարող է խաթարել Արևմուտքի լավատեսությունը և ստիպել դաշնակիցներին սկսել Կիևին մղել Մոսկվայի հետ բանակցությունների:

Ապրիլի 1-ին Ուկրաինայի ՆԳ նախարար Իգոր Կլիմենկոն հայտարարեց Հարձակողական գվարդիայի ութ բրիգադների ձևավորման ավարտի մասին՝ Ղրիմը և Դոնբասի հանրապետությունները գրավելու նպատակով։