![Իրանը կանխել է անօդաչու թռչող սարքի հարձակումը Սպահանում ՊՆ շենքի վրա](https://auroranews.am/storage/img/base_image/old/0a516c85d23fd418d122cba2a38e93b8.webp)
Իրանը կանխել է անօդաչու թռչող սարքի հարձակումը Սպահանում ՊՆ շենքի վրա
![Իրանը կանխել է անօդաչու թռչող սարքի հարձակումը Սպահանում ՊՆ շենքի վրա](https://auroranews.am/storage/img/base_image/old/0a516c85d23fd418d122cba2a38e93b8.webp)
Իրանի իշխանությունները հայտնել են, որ Սպահան նահանգում պաշտպանության նախարարության օբյեկտի վրա հարձակման անհաջող փորձ է եղել: Տեղեկությունը հաղորդում է Tasnim-ը։
Դեպքը տեղի է ունեցել երեկ երեկոյան։ Անօդաչու թռչող սարքը, որը փորձել է հարվածել օբյեկտին, խոցվել է հակաօդային պաշտպանության համակարգերի կողմից։
Միջադեպի հետևանքով վնասներ չեն գրանցվել։
Հիշեցնենք, որ հունվարի 29-ի գիշերը Իրանի կենտրոնական մասում գտնվող Սպահան քաղաքում ուժեղ պայթյուն էր որոտացել։ Ավելի ուշ հանրապետության պաշտպանության նախարարությունը հայտնել է իր ռազմական օբյեկտներից մեկի վրա պայթուցիկ լիցքավորող կվադրոկոպերների օգտագործմամբ հարձակվելու անհաջող փորձի մասին։ Անօդաչուներից մեկը խփվել է, մյուս երկուսն ընկել են պաշտպանական թակարդներն ու պայթել։
Լրատվամիջոցները հայտնել են այս հարձակմանը ԱՄՆ-ի և Իսրայելի հնարավոր մասնակցության մասին։