ՏԵՍԱՆՅՈՒԹ․ Իսրայելի բանակը ցուցադրել է Գազայի հատվածում ԱԹՍ-ի խոցման կադրերը
Իսրայելի պաշտպանության բանակի կործանիչը Գազայի հատվածում որսացել է անհայտ անօդաչու թռչող սարք։ Այս մասին երկուշաբթի՝ ապրիլի 3-ի կեսօրին, հայտնել է Իսրայելի պաշտպանության բանակի մամուլի ծառայությունը։
Հաղորդվում է, որ անօդաչու թռչող սարքը հսկողության տակ է եղել Իսրայելի օդային երթևեկության կառավարման ծառայության կողմից այն պահից, երբ հայտնվել է երկնքում։ Իսրայելական ծառայությունը ԱԹՍ-ին շարունակաբար հետևել է մինչև այն խոցելու պահը: Սարքը չի հատել Գազայի հատվածի սահմանը և ոչ մի փուլում Իսրայելի տարածքում որևէ մեկի համար վտանգ չի ներկայացրել։
Մեկուկես ժամ անց տեղեկություն է ստացվել, որ ՀԱՄԱՍ-ը ստանձնել է անօդաչու թռչող սարքի արձակման պատասխանատվությունը։
Քիչ առաջ Իսրայելի բանակի մամուլի ծառայությունը հրապարակել է Գազայի հատվածում ԱԹՍ-ի խոցման տեսանյութը։
