«Տոտենհեմը» հայտարարեց Անտոնիո Կոնտեի պաշտոնանկության մասին
Լոնդոնի «Տոտենհեմը» հայտարարել է գլխավոր մարզիչ Անտոնիո Կոնտեի պաշտոնանկության մասին։
Նշվում է, որ կողմերը դադարեցրել են համագործակցությունը կողմերի փոխադարձ համաձայնությամբ։
«Քրիստիան Ստելինին կգլխավորի թիմը՝ որպես գլխավոր մարզչի ժամանակավոր պաշտոնակատար մինչև մրցաշրջանի ավարտը, իսկ Ռայան Մեյսոնը կաշխատի որպես գլխավոր մարզչի օգնական:
Մենք Չեմպիոնների լիգայի ուղեգիր նվաճեցինք Անտոնիոյի՝ ակումբում առաջին մրցաշրջանում: Մենք շնորհակալություն ենք հայտնում Անտոնիոյին իր ներդրման համար և մաղթում ամենայն բարիք ապագայում»,- ասվում է հաղորդագրության մեջ:
