Հաջիզադեն պատասխանել է Փաշինյանի թվիթերյան գրառմանը

Խաղաղության պայմանագրի հասնելու համար Հայաստանը պետք է բարեխղճորեն բանակցի։ Այս մասին գրել է Ադրբեջանի ԱԳՆ խոսնակ Այխան Հաջիզադեն՝ ի պատասխան Հայաստանի վարչապետ Նիկոլ Փաշինյանի թվիթին։ Տեղեկատվությունը փոխանցում են ադրբեջանական լրատվականները։

«Մեր տարածաշրջանում պետք է գերակայի հարգանքը տարածքային ամբողջականության և ինքնիշխանության նկատմամբ, և ցանկացած էսկալացիա պետք է լուծվի միջազգային իրավունքի նորմերի և սկզբունքների հիման վրա։ Միջազգային հանրությունը սատարում է այս նարատիվին»,- գրել է նա։

Հիշեցնենք՝ Փաշինյանը թվիթերյան իր էջում գրել էր․

«Հայաստանի և Ադրբեջանի միջև խաղաղության պայմանագիր լինելու է, և այն հիմնված է լինելու բարձրագույն մակարդակներում ձեռք բերված գրավոր համաձայնությունների վրա։ Նոր էսկալացիա չի լինելու։ Միջազգային հանրությունը պետք է վճռականորեն աջակցի այս նարատիվին»: