ԱՄՆ-ն Չինաստանին կոչ է անում հասնել Ուկրաինայից ռուսական զորքերի դուրսբերմանը
ԱՄՆ-ը Չինաստանի նախագահ Սի Ծինփինին կոչ է անում ձգտել Ուկրաինայից ռուսական զորքերի դուրսբերմանը: Այս մասին այսօր կայացած ճեպազրույցում հայտարարել է Սպիտակ տան Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին։
Նա հիշեցրել է, որ Պեկինը նախկինում ներկայացրել է կարգավորման 12 կետից բաղկացած խաղաղ նախաձեռնություն, որը վերաբերում է, մասնավորապես, «բոլոր երկրների ինքնիշխանության և տարածքային ամբողջականության հարգմանը»։ «Մենք կոչ ենք անում նախագահ Սի Ծինփինին առաջ քաշել այս առանցքային կետը, որը պետք է ներառի ռուսական զորքերի դուրսբերումը ինքնիշխան Ուկրաինայի տարածքից՝ ՄԱԿ-ի կանոնադրության համաձայն», - ասել է Քիրբին:
