«Ցրտին մարդիկ հերթի են կանգնում, որ սնունդ ստանան». ԱՀ ՄԻՊ-ը` բրազիլական լրատվականին
Մարդու իրավունքների պաշտպան Գեղամ Ստեփանյանի մեկնաբանությունները՝ բրազիլական Estadão լրատվականին: Նա մասնավորապես ասել է.
«Այսօր Արցախում ապրող մարդու առօրյան պայքար է։ Ամեն օր մարդիկ պետք է հարմարեցնեն իրենց առօրյան հովհարային անջատումների ժամանակացույցին, որպեսզի կարողանան համապատասխանաբար պլանավորել օրը։ Սննդամթերքի կամ որևէ այլ անհրաժեշտ արտադրանքի հայտնաբերումը ևս մեծ դժվարություն է։
Պարենային ճգնաժամն անմիջապես հարվածել է Արցախին, մարդիկ ցուրտ պայմաններում ստիպված են ժամերով հերթ կանգնել խանութների մոտ՝ կառավարության կողմից ներկայացված կտրոններով սննդամթերքի խիստ սահմանափակ քանակություն ստանալու համար»,- նշում է մարդու իրավունքների պաշտպան Գեղամ Ստեփանյանը։
