«Արթնացնենք մեր խիղճը». ֆրանսիական պարբերականի հոդվածը` Հայաստանի և ԼՂ-ի մասին
Ֆրանսիական «L'Express» տեղեկատվական-քաղաքական շաբաթաթերթը մանրամասն հոդված է հրապարակել Հայաստանի մասին։ «Հայաստան. արթնացնենք մեր խիղճը նոր էթնիկ զտումների սկզբի առջև» վերնագրով հոդվածում հեղինակը մանրամասն նկարագրում է Հայաստանի և Արցախի շուրջ ստեղծված իրավիճակը, բերում փաստարկներ, որոնք ապացուցում են նոր էթնիկ զտումների սպառնալիքը Լեռնային Ղարաբաղում։
Հեղինակն անդրադարձել է նաև փիլիսոփա Դանիել Սալվատորե Շիֆերի և մոտ քառասուն այլ եվրոպացի մտավորականների նախաձեռնությանը, ովքեր բաց նամակով դիմել էին իրենց երկրների կառավարություններին»` կոչ անելով արդյունավետ և առանց հապաղելու կոնկրետ օգնություն ցուցաբերել Հայաստանի և Լեռնային Ղարաբաղի անմեղ խաղաղ բնակիչներին աճող վտանգի պայմաններում:
