Սիրիայի հյուսիսում մի շարք պայթյուններ են եղել, հայտնում են տեղական լրատվամիջոցները։

Նշվում է, որ ենթադրաբար պայթյունները Հալեպի օդանավակայանում իրանական աշխարհազորայինների օբյեկտների վրա հարձակման հետևանք են։

Օդանավակայանի թռիչքուղին փակվել է։ Զոհերի մասին տեղեկություն չի ստացվել։

Հաղորդվում է նաև, որ հրթիռների դեմ հակաօդային պաշտպանության համակարգ է գործարկվել։

Սիրիական որոշ աղբյուրներ պնդում են, որ հարձակումն իրականացրել է Իսրայելը։