Մոսկվայում ձերբակալված հայազգի ռեժիսորն ազատ է արձակվել. մանրամասներ

 Մոսկվայի «Վնուկովո» օդանավակայանում այսօր առավոտյան ձերբակալված ռեժիսոր Արթուր Արիստակեսյանը ազատ է արձակվել։ Նրա փաստաբանը և գործընկերը հաստատել են լուրը։ 

Երեքշաբթի առավոտյան ոստիկանները նրան ձերբակալել էին օդանավակայանում, երբ Արիստակեսյանը պատրաստվում էր արձակուրդ մեկնել։ Նրա ծանոթները ենթադրում են, որ դա կարող է կապ ունենալ նրա հակապատերազմական դիրքորոշման և սոցցանցերում արված գրառումների հետ։ 

Արիստակեսյանի հարևանները «Говорит НеМосква» Տելեգրամ ալիքին ասել են, որ առավոտյան ժամը 6-ի սահմաններում ոստիկանները փորձել են ներխուժել նրա բնակարան, սպառնացել են ջարդել դուռը։ 

Դեռևս պարզ չէ, թե արդյոք նրա դեմ որևէ գործ կա հարուցված։