ՏԵՍԱՆՅՈՒԹ. Բռնցքամարտի եվրոպական միությունը պահանջել է փակել Գասիևի համազգեստի ՌԴ դրոշը
Երևանի Կարեն Դեմիրճյանի անվան մարզահամերգային համալիրում երեկ կայացել է պրոֆեսիոնալ բռնցքամարտի երեկո, որի ընթացքում տեղի է ունեցել 5 մենամարտ։
Երեկոյի ամենագլխավոր մենամարտում Հայաստանի քաղաքացիություն ստացած ռուսաստանցի պրոֆեսիոնալ բռնցքամարտիկ Մուրադ Գասիևը (ծնվել է Օսեթիայում) մրցել է ամերիկացի Մայքլ Բալոգունի հետ եւ հաղթանակ տարել։ Սակայն ըստ IZ.RU-ի տեղեկությունների` բռնցքամարտի եվրոպական միությունը (EBU) հայկական կողմից պահանջել է բացառել ռուսական խորհրդանիշերի օգտագործումը Երևանում կայանալիք մրցաշարում:
Տեսանյութ է հրապարակվել, որտեղ Մուրադ Գասիևի հետ աշխատող թիմը փակում է նրա համազգեստի վրա պատկերված ՌԴ դրոշը:
Բայց Օսեթիայի դրոշը, որը նույնպես կա Գասիևի համազգեստի վրա, որոշել են չփակել ու թողնել, ինչպես կա։
