400 միլիոն դոլարի ռազմական օգնություն՝ Ուկրաինային․ ԱՄՆ պետքարտուղար
ԱՄՆ-ն Ուկրաինային 400 մլն դոլարի ռազմական օգնության նոր փաթեթ է հատկացրել։ Այս մասին գրում է ТАСС-ը՝ հղում տալով ԱՄՆ պետքարտուղար Էնթոնի Բլինքենի հայտարարությանը։
Ավելի վաղ հայտնել էինք, որ ԱՄՆ վարչակազմը ուրբաթ կհայտարարի ռազմական օգնության նոր փաթեթի մասին: Այս մասին ասել է Սպիտակ տան Ազգային անվտանգության խորհրդի խոսնակ Ջոն Քիրբին։
«Վաղը Միացյալ Նահանգները կհայտարարի Ուկրաինային օգնության ևս մեկ փաթեթի մասին»,- ասել է նա Սպիտակ տանը կայացած ճեպազրույցի ժամանակ։
Քիրբիի խոսքով՝ «փաթեթը կներառի, առաջին հերթին, զինամթերք, որը ուկրաինացիներին անհրաժեշտ կլինի արդեն իսկ ստացած սպառազինության համակարգերի համար, այդ թվում՝ HIMARS բազմակի հրթիռային համակարգերի և հրետանու»։
