ՏԵՍԱՆՅՈՒԹ. Եթե պետք է հասնենք Լա Մանշ, ապա ես ունեմ իմ իդեալական պլանը. Պրիգոժինը` Ուկրաինայում պատերազմի մասին

«Վագներ ՉՎԿ»-ի հիմնադիր-ղեկավարը Եվգենի Պրիգոժինը WarGonzo նախագծի ղեկավար Սեմյոն Պեգովի հետ զրույցում խոսել է Ուկրաիանայում հատուկ ռազմական գործողության ժամկետի մասին, գրում է Kommersant.ru-ն:
 

«Եթե պետք է գնալ մինչև Դնեպր, ապա երեք տարի, եթե պետք է փակել ԴԺՀ-ն և ԼԺՀ-ն, ապա պետք է աշխատենք ևս մեկուկես կամ երկու տարի, եթե մենք պետք է գնանք մինչև Լա Մանշ, ապա ես ունեմ իմ իդեալական պլանը»,- ասել է Պրիգոժինը:

Ուկրաինայում ռուսական հատուկ գործողությունը սկսվել է ՌԴ նախագահ Վլադիմիր Պուտինի հրամանով 2022 թվականի փետրվարի 24-ին։ Դաշնային իշխանությունները չեն նշել դրա ավարտի կոնկրետ ժամկետներ: Պուտինը հայտարարել է, որ «հատուկ գործողությունն ընթանում է ըստ պլանի, և դրա ժամկետների մասին խոսելը կամ դրանք ճշգրտելը սխալ է»։ Կրեմլը հայտնել է, որ այն կավարտվի, երբ բոլոր նպատակներն իրականացվեն։ ՌԴ ԱԳՆ-ն հայտարարել է, որ ռազմական գործողությունը կավարտվի «երբ վերացվի ՆԱՏՕ-ի սպառնալիքը»։ Փետրվարի 7-ին Չեչնիայի ղեկավար Ռամզան Կադիրովը հայտարարեց, որ Ուկրաինայում ռազմական գործողությունը կավարտվի մինչև այս տարվա վերջ։